![](https://blogger.googleusercontent.com/img/b/R29vZ2xl/AVvXsEj0ZrB2Q5PxykRvOq5d8_3JxytGewg965q1Sk2kxGswyAwIfOD97RmCxdMkJptxuTns5XOvp26EedXgKOJEeDYK_D4a2n485GfkZ49Jbup4AqIEG5bXIYEDcbHRfDDYQxGT9aO_BcNd7Ro/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA59.jpg)
Ֆինանսավորող. Փի-Էյչ Ինթերնեշնլ
Ծրագրի տևողությունը. 3 ամիս (01.02.2014 - 30.04.2014 թթ)
Ծրագրի նպատակը. Նպաստել Էջմիածին քաղաքի և հարակից համայնքների 13-18 տարեկան երեխաների կրթությանը և ձևավորմանը, որպես քաղաքացիական հասարակության լիարժեք անդամ:
Հիմնախնդիրը.
Էջմիածին քաղաքում և հարակից համայնքներում բնակչությունը՝ հատկապես երեխաները, իրազեկ չեն իենց իրավունքներին և ազատություններին: Անիրազեկության հետևանքով հարվածի տակ են ընկնում հիմնականում երեխաները: 13-18 տարեկան հասակում երեխաները առավել շատ ունեն ինքնարտահայտվելու, ինքնադրսևորվելու, կրթության, իրավական պաշտպանվածության կարիք: Անձի ձևավորման և զարգացման հենց այս փուլում է, որ անհրաժեշտ է նրան իրազեկել և ճիշտ ուղղորդել: Չիմանալով մարդու հիմնարար իրավունքները, օրենքը, չհարգելով և չընդունելով այլոց իրավունքներն ու ազատությունները, օրենքի ուժի և իրավապահների հանդեպ անվստահությունը, ազատությունների թույլատրելի սահմաններն անցնելը հանգեցնում են օրինապահ, իրավահավասար, ժողովրդավար քաղաքացիական հասարակության մոդելի խախտմանը:
Իրավահավասարության գաղափարի բացակայության պայմաններում խոցելի խմբերի` սոցիալապես անապահով ընտանիքների և օրինախախտ երեխաները դուրս են մղվում հասարակության լայն շերտերից կամ խտրականության են ենթարկվում:
Սոցիալական ցանցերն այսօր Հայաստանում մեծ տարածում են գտել և դրանցում ընթացող շատ քննարկումներ բավականին լուրջ են և կարևոր, ինչպես նաև այն հանգամանքը, որ ցանցերը շատ արագ են արձագանքում երկրում տեղի ունեցող իրադարձություններին և շատ հաճախ հենց այդ ցանցերն են կատարում կազմակերպչական, մարդկանց մեկ գաղափարի և նպատակի շուրջ հավաքելու ֆունկցիան:
«Հայ Միասնության Խաչ» բարեգործական մշակութային հասարակական կազմակերպությունը նույնպես մտահոգ լինելով այս խնդիրներով, տարիների ընթացքում ձեռնարկել և իրականացրել է մի շարք միջոցառումներ և ծրագրեր երեխաների իրավունքների իրազեկման և իրավական սոցիալականացման ոլորտներում:
Ծրագրի շահառուները
Ծրագրի շահառուներն են Էջմիածին քաղաքի և հարակից Աղավնատուն, Ապագա, Ծիածան, Ոսկեհատ համայնքների 13-18 տարեկան 200 աշակերտները, այդ թվում խոցելի խմբերի երեխաները:
ԾՐԱԳՐԻ ԻՐԱԿԱՆԱՑՈւՄԸ
Էջմիածին քաղաքի և հարակից համայնքների դպրոցների, ինչպես նաև «Հայ Միասնության Խաչ» ԲՄՀԿ-ի արվեստաց դպրոցի 15-18 տարեկան առավել ակտիվ, բանիմաց աշակերտներից ձևավորվեց 20 հոգանոց ակտիվ խումբ:
![](https://blogger.googleusercontent.com/img/b/R29vZ2xl/AVvXsEjsaKU6e7ANFwqDWGyWCXzIaaVKUdV4PZD4f3rHGZnQRx9B7s_rgGWi5LzfvH6Y08Ot0xNjGFuh7sxctUCgcsnKzfI-6wsrYYCUbLEIennbQsrfVjmVuzJTmQ7HhO0Xnxwplrqnyfs7WDE/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA23.jpg)
Ակտիվ խմբի համար Իրավունքների իրազեկման կազմակերպում:
Ակտիվ խմբի անդամները մասնակցեցին երեխաների իրավունքների վերաբերյալ դասընթացի: Իրավապահ համակարգի գործունեությանը ծանոթանալու նպատակով այցելեցին ՀՀ ոստիկանությաան Արմավիրի մարզային վարչության Վաղարշապատի տարածքային բաժին: ՀՄԽ ԲՄՀԿ-ի «Մաչանենց» թատրոնում դիտեցին իրավունքների վերաբերյալ ինտերակտիվ ներկայացում:
![](https://blogger.googleusercontent.com/img/b/R29vZ2xl/AVvXsEhyPNXopsX2e2BW8TYvalmJ2X8ZOAeT851J1A7R9ITuk9BLRYFz4JxaUlnKeBDBElVJsJlR8sIxbpHIYmOyp-FH0-8Yj5k-euJhBv1wLltstw4FWTpUbJPkbHe65_IGX1IAhs9WQO9tQzA/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA34.jpg)
Ունեցան նկարչության վարպետաց դաս և պատրաստեցին երեխաների իրավունքների և դրանց պաշտպանության թեմայով պաստառներ:
![](https://blogger.googleusercontent.com/img/b/R29vZ2xl/AVvXsEgtAH4iBWVI6SL99Kt1h9sjgOE-WGs-tcS0dn5jU9UfPa_pjjbDjbvEUpHgTMYseov-4ixjBehGDB04haT6AmefZ5BRcDLh7yd-XtQbV3jjVjJtiRb7aty8xlG8RF5Th1kPIaIw4kcvWkU/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA37.jpg)
Իրավունքների իրազեկման կազմակերպում դպրոցներում:
Յուրաքանչյուր համայնքի թիմ իր դպրոցում 13-18 տարեկան աշակերտների համար անցկացրեց իրավունքների թեմայով սեմինար: Թեմատիկ պաստառները ցուցադրվեցին որպես սեմինարի դիդակտիկ նյութ և ներկայացվեցին որպես կոչ` ի պաշտպանություն երեխայի իրավունքների:
![](https://blogger.googleusercontent.com/img/b/R29vZ2xl/AVvXsEgnmxyHfn_6hVWp77-YJOxQ8x_KEW44Ogmc-i8_27FSGpwYo6JVlSZPoD9WuwlNl0nc_MZqd7nb-JLyKEkbd2rf6VGb1DOwmHOI5hdko2M3g5HjlqTkpBjuPddy_pRERfnRC5NqcggRkqQ/s640/%25D4%25B1%25D5%25BA%25D5%25A1%25D5%25A3%25D5%25A1.jpg)
Կրթության հնարավորությունների լուսաբանման սեմինար ակտիվ խմբի համար:
ՀՄԽ ԲՄՀԿ-ում ակտիվ խմբի ներկայացուցիչների համար անցկացվեց կրթության հնարավորությունների վերաբերյալ սեմինար: Նրանց նաև տրվեց խորհրդատվություն սեփական կարողությունները բացահայտելու, մասնագիտություն ընտրելու և աշխատանք փնտրելու վերաբերյալ:
Սեմինարավարի և մասնակիցների կողմից պատրաստվեց ՀՀ-ում կրթության հնարավորությունների վերաբերյալ տեղեկատվական գրքույկ:
![](https://blogger.googleusercontent.com/img/b/R29vZ2xl/AVvXsEhiEHOCJMaqvGY_DmdwbsCstwTPpi7FdCFfF_GJPi6ErvWGmi2-CH-f2UAMz9YmPR8UBQMzfC890VUmvJLeZ6p-mpsM9-vozNXe9lbuRTO9bRlY7A76TN_GKNhCDufCHReOS8ssSGUvY58/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA46.jpg)
Կրթության հնարավորություների լուսաբանման սեմինարի իրականացում դպրոցներում:
Մասնագիտական սեմինարից հետո յուրաքանչյուր համայնքի թիմ ուղղորդվեց իր դպրոց և 13-18 տարեկան աշակերտների, այդ թվում խոցելի խմբերի ներկայացուցիչների համար իրականացրեց ՀՀ-ում կրթական հնարավորությունների վերաբերյալ սեմինար: Աշակերտներին փոխանցվեցին նաև տեղեկատվական գրքույկները:
Սոցիալական մեդիայի դասընթացի իրականացում:
Ծրագրի մասնակիցները ուսումնասիրեցին մեդիա ոլորտը, ծանոթացան սոցիալական մեդիային, տեղեկատվական տեխնոլոգիաներին (ՏՏ), համակարգչային տեխնոլոգիաների տեխնիկական և ծրագրային ապահովումներին, համացանցին: Գիտելիքներ ստացան համացանցի ստեղծման նպատակների, կիրառման ոլորտների, դրա օգուտների, վնասների և համացանցը՝ որպես խնդիրները լայն մասսաներին հասցնելու գործիք, օգտագործելու վերաբերյալ: Ծանոթացան սոցիալական ցանցերին, իմացան, թե ինչպես կարելի է ճիշտ և անվտանգ օգտվել սոց. ցանցերի ընձեռած հնարավորություններից և ինչպես խուսափել դրանց վնասակար ազդեցությունից, ինչպես իրենց հուզող հիմնախնդիրները բարձրաձայնել սոց. ցանցերում և հասարակության ավելի մեծ մասի ուշադրությունը կենտրոնացնենք դրանց լուծման վրա:
Դասընթացի ընթացքում սովորեցին Facebook սոցիալական ցանցում ստեղծել հաշիվներ, օգտվել ֆունկցիաներից, անվտանգ տարածել և հարկ եղած դեպքում պաշտպանել տեղեկատվությունը:
![](https://blogger.googleusercontent.com/img/b/R29vZ2xl/AVvXsEhePx5Xl40z56uW0T5hyphenhyphenEVZRG5ftulH5OpZ__bfKulI50px4jblhzUg-6gYGpJyFGUoiX0ywRmdYkbIhpD3iZTX1wEx6UERc5IJUB1wnBzixXTdnFor3QFohX5gy27pbx4YSPLxgob2QjI/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA7.jpg)
Ակտիվ խմբի անդամները մասնակցեցին լրագրության սեմինարի, ծանոթացան լրագրողի մասնագիտությանը, բովանդակալից և ճշմարտացի հոդվածներ և ռեպորտաժներ պատրաստելու նրբություններին: ստացած գիտելիքները կիրառվեցին հոդվածներ, ռեպորտաժներ պատրաստման, համայնքներում առկա խնդիրները և ծրագրի ընթացքում տեղի ունեցող միջոցառումներն ու իրադարձությունները լուսաբանելու համար:
![](https://blogger.googleusercontent.com/img/b/R29vZ2xl/AVvXsEgNx6-_BlIorQLfzaH7_nYzMJHHIktV1paspkvMpX7UMuPwEN5cJ9HyBDICJI4i5IMctzRVUjcETSR8a4iHjSg5wT0ZD51_MHfsoA9kuD3fKg8Hblf0O5VwHRqDCtEZqPlm33VTJ7yiq8c/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA17.jpg)
Դասըթացի ընթացքում ստացան տեսա-լուսանկարահանման և վիդեոմոնտաժի տեսական և գործնական գիտելիքներ: Սովորեցին օգտվել տեսախցիկից, ճիշտ լուսանկարել և գեղեցիկ լուսանկարներ ստանալ: Յուրաքանչյուր համայնքի թիմ պատրաստեց իր համայնքի մասին պատմող ֆոտոշարք:
Բլոգավարման դասընթացի ընթացքում, հատուկ ծրագրի համար ստեղծված բլոգի հիման վրա, գործնական գիտելիքներ ձեռք բերեցին, թե ինչպես պետք է բլոգում հոդվածներ տեղադրել և տարածել ողջ համացանցով:
![](https://blogger.googleusercontent.com/img/b/R29vZ2xl/AVvXsEiWQoCjWXmQjDK5UbjYcEM3HGELOthXsmQyzLMQv-a_Q_qryLfDNHfYd_Rny0YfujdqwrJeZ1GMVzJ30HL2e9a4LlE3AWSvgEL9lRivk_5TGEIzgvSv7G_I5Rh3GZngywT0_Uazx99HivQ/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA20.jpg)
Սոց. ցանցերի սեմինարի իրականացում դպրոցներում:
Յյուրաքանչյուր համայնքի թիմ իր դպրոցում 13-18 տարեկան աշակերտների, այդ թվում նաև խոցելի խմբի երեխաների համար անցկացրեց սոց. ցանցերի թեմայով սեմինար: Սեմինարների ընթացքում ակտիվ խմբի անդամները իրենց ստացած գիտելիքները փոխանցեցին իրենց հասակակիցներին, սովորեցրեցին ճիշտ օգտվել համացանցից և սոցիալական ցանցերից, ծանոթացրեցին դրանց դրական, բացասական կողմերին, ընձեռած հնարավորություններին, ինչպես խուսափեն հնարավոր վտանգներից, օգտագործելով համացանցը և սոց. ցանցերը որպես ինֆորմացիայի տարածման գործիք, իրենց հուզող խնդիրները արդյունավետ կերպով բարձրացնեն և հասարակության ավելի լայն մասսայի աջակցությամբ դրանց լուծում գտնեն:
![](https://blogger.googleusercontent.com/img/b/R29vZ2xl/AVvXsEguFVpwChkcdN3PbF6L5zwvvysqSoS9aDtwqwjdJD_jCCovotQap8r09akgL5iK9YEA9tzKkS7YFisfqy24zI64b6z2DUTYgAzDJFXPKchE9bqX4ID5mBJyWAdwLSVVbY3cywmxQwWdbN0/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA12.jpg)
Երիտասարդական ծրագրերի նախագծում և իրականացում:
Ակտիվ խմբի անդամները մասնակցեցին նաև երիտասարդական խնդիրների նախագծման սեմինարի, որի արդյունքում սովորեցին ճիշտ գնահատել Էջմիածին քաղաքի և հարակից համայնքների 13-18 տարեկան երիտասարդների կարիքները, գրագետ, հստակ ձևակերպեցին և ներկայացրեցին նախագծեր` դրամաշնորհ ստանալու և իրենց հուզող խնդիրները լուծելու համար:
![](https://blogger.googleusercontent.com/img/b/R29vZ2xl/AVvXsEhKYOVmmpP4f3PDLE-qYOGHrUYqttaDcxrCDxt0lf65PWhIexo1If-cF98HJsMfLjQUs6Ap64-EQhACxtZPadoecQT3lIGqmrv3SLFQ62vDDS-X2gz-urGWx1nO1JlkHvBtp_KTZ8nUsNo/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA50.jpg)
Ներկայացված նախագծերից երկուսը ընտրվեցին և իրականացվեցին ողջ խմբի ջանքերով:
Առաջին նախագծի իրականացման արդյունքում Ապագա համայնքի դպրոցի բակում տեղադրվեցին նստարաններ և աշակերտների համար կառուցվեց հարմարավետ հանգստի գոտի:
![](https://blogger.googleusercontent.com/img/b/R29vZ2xl/AVvXsEiCMokLkw962oDtngzr4TQ_cNOWy63s7QIAQt5kwv-nFklQBUgvXBleWfJ1WXcQJiYzEkJdgLKMR_rxtDB0ZKIijEj6bpjIAw5V5pNBDHxtZ8yeRECXnee40rN2i0qIlNbsrwPlJpPKIhs/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA53.jpg)
Երկրորդ նախագծի շնորհիվ կազմակերպվեց այցելություն Երևանի «Զատիկ» երեխաների աջակցության կենտրոն: Հավաքագրվեց և ձեռք բերվեց մեծ քանակությամբ գիրք և խաղալիք, որը տեղում ցուցադրված թատերական ներկայացումից հետո հանձնվեց կենտրոնի սաներին:
![](https://blogger.googleusercontent.com/img/b/R29vZ2xl/AVvXsEhomQjmkvDIDGXuQ8EcZ5tPAABhFZ9AamOK_fK6DC7F4qKg_oAPVBfncTFOrzWi0MAFzso7SXyepls7yoDd2_EcfHT0duWwBXRlPyZWij8uKVb8of7rLTPpgk1KcNoMXT0GBa752imvaDQ/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA58.jpg)
Հատուկ ծրագրի համար ստեղծված բլոգում, ծրագրի ֆեյսբուքյան էջում և Հայ Միասնության Խաչ բ.մ.հ.կ-ի ֆեյսբուքյան էջում լուսաբանվեց Էջմիածին քաղաքի և հարակից համայնքների երիտասարդներին առնչվող խնդիրները, հանրությանը ներկայացվեց ծրագրի ողջ ընթացքը և տեղի ունեցող միջոցառումները:
Ծրագրի հաշվետու միջոցառման կազմակերպում:
Ծրագրի ավարտին կազմակերպվեց «Երիտասարդները երիտասարդների համար» ծրագրի հաշվետու միջոցառում, որի ընթացքում ակտիվ խմբի անդամները ներկայացրեցին իրենց գործունեությունը ծրագրի շրջանակներում։ Շնորհակալագրեր հանձնվեցին բոլոր նրանց, ովքեր աջակցել են ծրագրի իրականացմանը և պատվոգրեր ծրագրի բոլոր մասնակիցներին։ Դահլիճի նախասրահում ցուցադրվեցին ծրագրի մասնակից երիտասարդների կողմից նկարված լուսանկարներն ու պատրաստված պաստառները։
![](https://blogger.googleusercontent.com/img/b/R29vZ2xl/AVvXsEizDqdoviOTfmhxgsEXN2j-GJNE-KBlmIcqPSPtKgYPtHrQjkSwerhvZqaV3PP5iBf0M6bp9sCvQrLb4FHoXkL1xD6sM4khdJNM0e3UGfhFhJA1Gu9J50tL8f_d6SNuSuA77UaOX6UAn8s/s640/%25D0%25A0%25D0%25B8%25D1%2581%25D1%2583%25D0%25BD%25D0%25BE%25D0%25BA61.jpg)
ՀԱՄԱԳՈՐԾԱԿՑՈՒԹՅՈՒՆ
Ծրագրի ընթացքում համագործակցություն է հաստատվել Աղավնատուն, Ապագա, Ծիածան, Ոսկեհատ համայնքների և Էջմիածին քաղաքի № 5 դպրոցների հետ, որոնք ծրագրի ավարտից հետո ակտիվորեն ներգրավվել են կազմակերպության կողմից իրականացվող այլ ծրագրերում նույնպես: