![](https://blogger.googleusercontent.com/img/b/R29vZ2xl/AVvXsEjwCMWL9sD5Gik_Rm2P75NpHiLGr8NUVrDdTlXg4Sb1bdjOd-iu8s_tyUujRsiQjYq_wsq-PshvuXWT7QmSIVg4coBaYNfF8-AL7VSvOG33e3fIerQmV5tX_IqoTZG8xFOIcUZ2DVzYn5Y/s320/10940490_916418351725959_304278642472949028_n.jpg)
![](https://blogger.googleusercontent.com/img/b/R29vZ2xl/AVvXsEiKMzGc29Y2PQ0RZuIoDJGcDU74FxII45eYt2GVSQHbMvA9rc8snnJPkQVG8etE3m5F2PmcSPlD6S5ADTsKe_i3qY0iiX6lGPxcy5bm8_rvmu8beniuxt4rvSQGKpA9_VI0QlhfwKMtTLc/s320/9812_916418261725968_7664813368331602059_n+%25281%2529.jpg)
![](https://blogger.googleusercontent.com/img/b/R29vZ2xl/AVvXsEhzirXb7ja8_j4omnYC6nS4GZRoOLDegsuJe3HXJlJsuYLkZv6W42TxTiLzjRszCmpSXVG2_s3Qiccev-jKXwR9kcDuMmlzw70CgH1uZkZo4WILaH-b1RfD33ZdCRf3L6yK6w7QyHTz4co/s320/10407482_916418425059285_7526904267878646605_n.jpg)
«Հայ Միասնության Խաչի» հիմնադիր նախագահ Գրիգոր Բաբախանյանը «Մշակութային ցեղասպանութուն» զեկույցով հանդես եկավ «Ցեղասպանության 100-րդ տարելիցին ընդառաջ» համաժողովին, որը կազմակերպել էր ՀՀ Փաստաբանների պալատի Արմավիրի մարզային գրասենյակը:
Համաժողովի նպատակը՝ ցեղասպանության 100-րդ տարելիցի կապակցությամբ արդյունավետ քննարկումներ, առաջարկություններ, չուսումնասիրված կամ նվազ ուսումնասիրված գիտական աշխատանքները իրականացնելն ու աջակցություն ցուցաբերել էր:
Մեջբերում Գրիգոր Բաբախանյանի զեկույցից.
«Մշակութային պատերազմը զինադադար չի ճանաչում և անվերջանալի գործընթաց է, քանի կա մարդկային տեսակը, քանի կան տարբեր ազգեր, ցեղախմբեր: Ցեղասպանությունը ոչ միայն ժողովրդի բնաջնջում է, այլ նաև նրա ստեղծած մշակույթի, երբ ցանկանում են վերացնել որևէ ազգի, գլխատում են նրա ազգային մշակույթը: Մեր պայքարի ոգին մեր մշակույթի մասն է կազմում: Մենք ավելի շատ պիտի ուզենանք, որ ճանաչվի ցեղասպանությունը, քան թուրքերը՝որ այն չճանաչվի: Ճիշտ է ամենաթանկ կապիտալը մարդն է, սակայն առանց մշակույթի մարդն արժեք չունի։ Եվ Կորցրածը հետ բերել կարող ենք հայ մշակույթի վերհանման, պահպանման և պաշտպանման համար մեր ամենօրյա քրտնաջան աշխատանքի շնորհիվ, որը մեզ կտա նոր ազգային զարթոնք և վերածնունդ։Պետք է Պայքարել ցեղասպանության ճանաչման համար և զուգահեռաբար կերտել այնպիսի սերունդ, որն ամեն վայրկյան շնչում է հայությամբ»:
Համաժողովի ավարտին բոլոր մասնակիցները ստացան մասնակցության վկայականներ: