![](https://blogger.googleusercontent.com/img/b/R29vZ2xl/AVvXsEjl5QIf0YMv-LR32i5izcnr6PWpx5pj3AW6ZqeNhPqygGw-O8XAhh4mdlu9S55kS-NHJvO2TE7BJwjLvfUtC1LNRe6pELYeuMmNh0qjF_qu0_JEmtRrJvzLKmpjGpw-vIMDRDUkH3G06QQ/s320/11149509_963705653663895_1472058517761500746_n.jpg)
![](https://blogger.googleusercontent.com/img/b/R29vZ2xl/AVvXsEil88dtWccRifJPMPwnZpEpOzHvu5FahPt3qihjg9WVEv7qWBZp6QzicC3QlWQEDpZSxDQ5JjaWJq5EbPKHVYnk8y5UOSNhciKMv8VFYirGx5xjfEpHgrUlmTubhmNrxgzApkZhDyMnJRA/s320/11150824_966887690012358_7075350449133845564_n.jpg)
Ապրիլի 20-27-ը կայացավ «ԵՐԲ ԾԱՂԿՈՒՄ ԵՆ ԲԱԼԵՆԻՆԵՐԸ…» «ՄԱՉԱՆԵՆՑ» միջազգային նկարչական սիմպոզիումը, որը նվիրված էր Հայոց Մեծ Եղեռնի 100 ամյակին:
Սիմպոզիումը կազմակերպել էր «Հայ Միասնության Խաչը» «Մաչանենց տուրիզմ և արտ»-ի ֆինանսավորմամբ։ Սիմպոզիումի նպատակն էր հայ և միջազգային նկարիչներին հնարավորություն ընձեռնել ծանոթանալ հայկական մշակույթին և կենցաղին, փոխանակվել փորձով, Էջմիածին քաղաքում ստեղծել հայ և միջազգային նկարիչների պատկերասրահ:
Սիմպոզիումին մասնակցեցին նկարիչնր՝ Հայաստանից, Հոլանդիայից, Լիտվայից և Ռուսաստանից: Մեկ շաբաթ շարունակ 20 նկարիչներ ստեղծագործեցին ՀՄԽ-ում, կիսվեցին սեփական փորձով, այցելեցին Հայաստանի գեղատեսիլ ու տեսարժան վայրեր՝ Գառնի, Գեղարդավանք, Փարաջանովի տուն–թանգարան, Կասկադ, Զվարթնոց տաճար:
![](https://blogger.googleusercontent.com/img/b/R29vZ2xl/AVvXsEh0mK4dGFkCO1J9ljznx1BAdPmjb0n-X4SMNComevum94Ob5Qauc-tGwxsnSFs7uqFDjzyKLLNQ-RAi1LhNEs7W-vmIEd2FJ1yoCueMWACFz_htE6CMYDpqWFQp-okn94amobxdU0jWD0A/s400/11193248_966888380012289_2160470421255099828_n.jpg)
Ապրիլի 26-ին ավարտվեց սիմպոզիումը և բացվեց «ՄԱՉԱՆԵՆՑ» պատկերասրահը, որտեղ ներկայացվեցին սիմպոզիումի նկարները: Միջոցառումը օրհնեց Արմավիրի թեմի առաջնորդ Սիոն եպիսկոպոս Ադամյանը։ Հոլանդիայից եկած սիմպոզիումի մասնակից Ֆերիալը բերել էր խորհրդանշական 100 կակաչի սերմ: Տնկվեց 4 սերմ՝ ի նշան աշխարհի 4 կողմերի:
Միջոցառման ընթացքում հուշագիր կնքվեց՝ Էջմիածնի քաղաքապետարանի, «Հայ Միասնության Խաչ» ԲՄՀԿ-ի և «Մաչանենց Տուրիզմ և Արտ-ի» միջև՝ նպատակ ունենալով «ՄԱՉԱՆԵՆՑ» միջազգային նկարչական սիմպոզիումը դարձնել ամենամյա, նպաստել Էջմիածին քաղաքի մշակութային կյանքի զարգացմանը, խթանել հայ և օտարերկրյա մշակութային երկխոսությունը։
Մասնակիցները վկայական ստացան սիմպոզիումին մասնակցելու համար:
Միջոցառման ընթացքում տեղի ունեցավ երկու երգի պրեմիերա՝ Արմինե Կիրակոսյան՝ «Ռեքվիեմ», Խոսք՝ Հայկ Հրայր, երաժշտություն՝ Արմինե Կիրակոսյան, Արփինե Մաչանենց Բաբախանյան «Սրբադասում», Խոսք՝ Հայր Ներսես Հարությունյան, երաժշտություն՝ Մհեր Սամվելյան: