Շուրջ մեկ ամիս է՝ ՀՄԽ-ի աշխատակազմն է համալրել Աբիգաիլ Գենզինկը, ամերիկացի կամավորը, ով մինչ այդ 1-ամիս կամավոր էր «ԱՄՔՈՐ» -ում:
Աբիգաիլը ՀՄԽ-ի աշխատակազմին անգլերենի ակումբում սովորեցնում է անգլերեն և կատարում է բազմաթիվ թարգմանություններ: Նրա խոսքով ինտեգրումը ՀՄԽ-ի անձնակազմ կայացավ շատ արագ, միակ խանգարող հանգամանքը հաղորդակցության խնդիրն
էր: Այս ընթացքում նա հասցրել է ծանոթանալ հայ մշակույթին, պատմությանը: Նրա կյանքում շատ մեծ տեղ է գրավում հավատքը և նրա խոսքով Հայաստանում եղած ժամանակ այդ հավատքը ավելի է մեծացել:
-Երբ ամեն ինչ նոր է, մարդիկ օտար են, երբեմն քեզ միայնակ ես զգում, և միակ բանը, որ ուժ է տալիս հավատքն է: Գալով Հայաստան առանց մեծ ակնկալիքների՝ ես այստեղից տանում եմ շատ կարևոր բաներ: Լինելով Հայաստանի հոգևոր վայրերում, տեսնելով ավանդապահ և հավատացյալ մարդկանց, որոնք դարեր շարունակ պահել և պահպանում են այդ արժեքները՝ ուղղակի հիացրեց ինձ: Մինչ Հայաստան գալը նա կամավոր աշխատել է բազմաթիվ կազմակերպությունների հետ, կամավոր աշխատանք է կատարել Աֆրիկայում: - Շատ մարդիկ կամավորական աշխատանք են կատարում և ուղղակի հաճույք ստանում: Բայց ամենակարևորն է գիտակցել, թե ինչու ես դա անում, ում համար և նվիրված լինես այդ գործին:
