«ՄԱՉԱՆԵՆՑ» ԱՐՎԵՍՏԻ ՄԻՋԱԶԳԱՅԻՆ ՍԻՄՊՈԶԻՈՒՄ 2018

«ԳԻՆՈՒ ԳՈՒՅՆԸ»

ՀՈԿՏԵՄԲԵՐԻ 1-7

«Մաչանենց» արվեստի միջազգային 4-րդ սիմպոզիումը կազմակերպվում է «Հայ Միասնության Խաչ» բարեգործական մշակութային հասարակական կազմակերպության կողմից՝
Էջմիածնի քաղաքապետարանի, «Մաչանենց տուրիզմ և արտ» սոցիալական ձեռնարկության, «Արփինետ» ՍՊԸ-ի և «Ինովացիոն էթնիկ մարզային կենտրոն»-ի աջակցությամբ:

2018թ.-ի սիմպոզիումը նվիրված է գինու արարմանը: Նոյ Նահապետը ջրհեղեղից հետո Արարատ լեռան ստորոտին տնկեց խաղողի առաջին որթատունկը:

Այստեղ է գտնվում Հայոց հոգևոր կենտրոն՝ Էջմիածին քաղաքը, որտեղ էլ կանցկացվի սիմպոզիումը:

Սիմպոզիումի առաջին օրը արվեստագետների մասնակցությամբ, ավանդական եղանակով կպատրաստվի գինի և կհիմնվի «Աշխարհի Արվեստագետների Գինու Թանգարան»:

v Հոկտեմբերի 8-ին Էջմիածին քաղաքի տոնն է :

Այն մասնակիցները, ովքեր կլինեն «Մաչանենց տանը», հնարավորություն կունենան մասնակցել քաղաքի 2703-ամյակին:

1. ՍԻՄՊՈԶԻՈՒՄԻ ՄԱՍԻՆ

Սիմպոզիումի նպատակն է՝

- Հայ և օտարերկյա արվեստագետներին հնարավորություն ընձեռել ծանոթանալ և փոխանակվել փորձով:

- Համալրել Էջմիածին քաղաքում ստեղծված միջազգային արվեստի պատկերասրահի հավաքածուն՝ նպաստելով միջմշակութային երկխոսությանը:

Մասնակիցները սիմպոզիումի ընթացքում կծանոթանան հայ մշակույթին, ականատես կլինեն խաչքարագործի, կավագործի, գորգագործի, քանդակագործի և նկարչի աշխատանքներին։

Հոկտեմբերի 7-ին, տեղի կունենա սիմպոզիումի ընթացքում ծնված աշխատանքների ՑՈՒՑԱՀԱՆԴԵՍԻ ՊԱՇՏՈՆԱԿԱՆ ԲԱՑՈՒՄԸ: Կհամտեսվի արվեստագետների պատրաստած մաճարը:

Ցուցահանդեսի բացմանը ներկա կլինեն ներկայացուցիչներ հոգևոր դասից, պաշտոնական հյուրեր, մշակույթի գործիչներ, լրատվամիջոցներ։

2.ՄԱՍՆԱԿԻՑՆԵՐԻ ԸՆՏՐՈՒԹՅՈՒՆԸ ԵՎ ՉԱՓԱՆԻՇՆԵՐԸ

Մասնակցել ցանկացողները պետք է լրացնեն մասնակցության հայտը և ուղարկեն ինքնակենսագրական, 1 լուսանկար, 10 նկարներից բաղկացած պորտֆոլիո machanentssymposium@gmail.com էլ. հասցեին:

Մասնակցության հայտը ստանալուց հետո 15 աշխատանքային օրվա ընթացքում «Մաչանենց» արվեստի միջազգային սիմպոզիումի ընտրող հանձնաժողովը կպատասխանի Ձեր հայտին:

3. ՍԻՄՊՈԶԻՈՒՄԻ ՊԱՅՄԱՆՆԵՐԸ

Կազմակերպող կողմը տրամադրում է՝

Տեղափոխում օդանավակայանից հյուրանոց և հակառակը
Հյուրանոցում 7 օր կեցություն
3 անգամյա սնունդ
Անսահմանափակ սուրճ և թեյ
2 կտավ
Մշակութային երեկոներ
Մասնակցության վկայական
Էքսկուրս ՝

Ø Մայր Աթոռ Սուրբ Էջմիածին / 4-րդ դար/

Ø Սբ․ Գայանե եկեղեցի / 7-րդ դար/

Ø Սբ․ Հռիփսիմե եկեղեցի / 7-րդ դար/

Ø Զվարթնոց տաճար / 7-րդ դար/

Ø Էջմիածին քաղաքի պատմաազգագրական թանգարան

Ø Այց Խոր Վիրապ / 17-րդ դար/, որտեղից կդիտենք Բիբլիական Արարատ լեռը։

Ø Էքսկուրսիա Երևանում /Հայաստանի մայրաքաղաք/

Ø Այց Գառնիի տաճար (1-ին դար), Գեղարդի վանքային համալիր (4-րդ դար)

ՆՇՎԱԾ ՎԱՅՐԵՐՈՒՄ ԵՂԱԾ ՆԿԱՐԻՉՆԵՐԻՆ ԿԱՌԱՋԱՐԿՎԻ ԷՔՍԿՈՒՐՍԻԱՅԻ ՆՈՐ ՈՒՂՂՈՒԹՅՈՒՆՆԵՐ:

Մասնակիցը հոգում է ՝

200$ մասնակցության վճար:
պետք է հոգա ճանապարհածախսը
անհրաժեշտության դեպքում վիզայի ծախսը
յուրաքանչյուր մասնակից պատկերասրահին է նվիրելու 2 աշխատանք, որոնք ծնվելու են սիմպոզիումի ընթացքում
ներկեր և վրձիններ բերում է մասնակիցը:

4. ՀԱՃԱԽ ՏՐՎՈՂ ՀԱՐՑԵՐ

Որտե՞ղ են գիշերելու մասնակիցները․

Մասնակիցների գիշերակացը տրամադրում է սիմպոզիումի աջակից «Մաչանենց տուրիզմ և արտ» սոցիալական ձեռնարկությունը։ Մասնակիցները կգիշերեն «Մաչանենց» հյուրատան հարմարավետ սենյակներում:

Հյուրատան մանրամասներին կարողեք ծանոթանալ հետևյալ հղումով՝

http://www.booking.com/hotel/am/machanents-guesthouse.ru.html

https://www.booking.com/hotel/am/machanents-art.ru.html

ԱՌԱՋԱՐԿՎՈՂ ՍԵՆՅԱԿՆԵՐԻ ՑԱՆԿ