«ՄԱՉԱՆԵՆՑ» ԱՐՎԵՍՏԻ ՄԻՋԱԶԳԱՅԻՆ ՍԻՄՊՈԶԻՈՒՄ 2019

  «ՎՐՁԻՆՆԵՐԻ ՀԱՄԲՈՒՅՐԸ» 
            ՕԳՈՍՏՈՍԻ 13-20

Հայաստանի արվեստագետների մասնակցության հայտ

«Մաչանենց» արվեստի միջազգային 5-րդ սիմպոզիումը կազմակերպվում է «Հայ Միասնության Խաչ» բարեգործական մշակութային հասարակական կազմակերպության կողմից՝ «Մաչանենց տուրիզմ և արտ» սոցիալական ձեռնարկության, «Արփինետ» ՍՊԸ-ի  և «Ինովացիոն էթնիկ մարզային կենտրոն»-ի աջակցությամբ:


1. ՍԻՄՊՈԶԻՈՒՄԻ ՄԱՍԻՆ
Սիմպոզիումի նպատակն է՝
- Հայ և օտարերկրյա արվեստագետներին հնարավորություն ընձեռել ծանոթանալ և փոխանակվել փորձով: 
Համալրել Էջմիածին քաղաքում ստեղծված միջազգային արվեստի պատկերասրահի հավաքածուն՝ նպաստելով միջմշակութային երկխոսությանը:



«Մաչանենց» արվեստի միջազգային 5-րդ սիմպոզիումի խորագիրն է 
«ՎՐՁԻՆՆԵՐԻ ՀԱՄԲՈՒՅՐԸ»

Սիմպոզիումի հիմնադիրներ Գրիգոր Մաչանենցի և Ընծայի պապիկը շատ է սիրել համբուրել, այդ պատճառով նրան ժողովուրդը տվել է «Մաչանենց» անունը։ «Մաչ» նշանակում է համբույր («Մաչան»՝ համբուրող մարդ)։ Սիմպոզիումը ի պատիվ այդ սիրո մեծ վարպետի կոչվում է «Մաչանենց»։ Սիմպոզիումի ընթացքում մասնակից նկարիչները որպես սիրո կնիք կթողնեն իրենց շրթունքի հետքը և գրառում կանեն համբույրի մատյանում։ Այն կտեղադրվի ՀՄԽ-ի թանգարանում։

 Սիմպոզիումի վերջին օրը՝ օգոստոսի 20-ին, տեղի կունենա սիմպոզիումի ընթացքում ծնված աշխատանքների ՑՈՒՑԱՀԱՆԴԵՍԻ ՊԱՇՏՈՆԱԿԱՆ ԲԱՑՈՒՄԸ
Աշխատանքները կտեղադրվեն նաև օնլայն կատալոգում։
Ցուցահանդեսի բացմանը  ներկա կլինեն պաշտոնական հյուրեր, մշակույթի գործիչներ, լրատվամիջոցներ։

2. ՄԱՍՆԱԿԻՑՆԵՐԻ ԸՆՏՐՈՒԹՅՈՒՆԸ ԵՎ ՉԱՓԱՆԻՇՆԵՐԸ

«Մաչանենց» արվեստի միջազգային 5-րդ սիմպոզիումին կարող են դիմել միայն այն արվեստագետները, ովքեր չեն մասնակցել նախորդ 4 սիմպոզիումներին։   
Շնորհակալություն ենք հայտնում նախորդ 4 սիմպոզիումների բոլոր մասնակիցներին և սիրով սպասում ցուցահանդեսի բացմանը։
Մասնակցել ցանկացողները պետք է ուղարկեն ինքնակենսագրություն, 1 լուսանկար, 10 նկարից բաղկացած պորտֆոլիո machanentssymposium@gmail.com էլ. հասցեին:
Մասնակցության հայտը ստանալուց հետո 15 աշխատանքային օրվա ընթացքում  «Մաչանենց» արվեստի միջազգային սիմպոզիումի ընտրող հանձնաժողովը կպատասխանի Ձեր հայտին:

Դիմելու վերջնաժամկետն է 2019թ-ի հունիսի 1-ը։

ՏԵՂԵԿՈՒԹՅՈՒՆՆԵՐ ՀԱՅԱՍՏԱՆՑԻ ՄԱՍՆԱԿԻՑՆԵՐԻ ՀԱՄԱՐ
·      Սիմպոզիումի տևողությունը 7 օր է:
·       Տրվում է մասնակցության վկայական:
·       Ստեղծագործելու թեման ազատ է:
·       Սիմպոզիումի ընթացքը լուսաբանվելու է հեռուստատեսությամբ և համացանցով:
·       Սիմպոզիումի 7-րդ օրը կբացվի ՄԻՋԱԶԳԱՅԻՆ ՑՈՒՑԱՀԱՆԴԵՍ։
·       «Մաչանենց»  սիմպոզիումի արվեստի էլեկտրոնային  կատալոգում կներառվեն սիմպոզիումի ընթացքում ստեղծված աշխատանքները:
·       Սուրճը և ընթրիքը հոգում է «Մաչանենց տուրիզմ և արտ» սոցիալական ձեռնարկությունը:

3. ՀԱՅԱՍՏԱՆՑԻ ՆԿԱՐԻՉՆԵՐԻ ՄԱՍՆԱԿՑՈՒԹՅԱՆ ՊԱՅՄԱՆՆԵՐ՝

  • Մասնակիցը սիմպոզիումի ընթացքում նկարում է 1-2  նկար և նվիրում սիմպոզիումի ֆոնդին: 
  • Վրձիններ, ներկեր և ներկապնակ բերում է մասնակիցը: 
  • Կտավ տրամադրում է կազմակերպող կողմը:

4. ՀԱՃԱԽ ՏՐՎՈՂ ՀԱՐՑԵՐ

Որտե՞ղ են ստեղծագործելու մասնակիցները
   Մասնակիցները կստեղծագործեն Մաչանենց բակում:
Ի՞նչ թեմայով են ստեղծագործելու նկարիչները
   Ստեղծագործելու թեման ազատ է։


5. ՀԵՏԱԴԱՐՁ ԿԱՊ

ՀԱՅ ՄԻԱՍՆՈւԹՅԱՆ ԽԱՉ ԲՄՀԿ 
ՀՀ, ք. Էջմիածին 1101, Շահումյան 36 
Հեռ.  (+374) 94 04 56 10, (+374) 41 04 56 10 
Էլ. փոստ՝  machanentssymposium@gmail.com  
Կայք՝  www.cau.am

Ֆեյսբուք՝ www.facebook.com/CAUNGO/
                www.facebook.com/machanents/
                  www.facebook.com/machanentsartsymposium/
https://www.facebook.com/pg/CAUNGO/photos/?tab=album&album_id=2163576300343485
https://www.facebook.com/pg/CAUNGO/photos/?tab=album&album_id=2154360131265102